По речиси три месеци безмилосна опсада, Мариупол падна. Украинската армија минатата недела објави дека нејзината борбена мисија во опколеното пристаниште е завршена. Повеќе од кој било друг украински град, Мариупол стана симбол на жестоката бруталност на рускиот напад и тврдоглавоста на украинскиот отпор.
Создаден е пред два и пол века, низ долга историја израснал во еден од најубавите градови во Украина, а потоа за само 80 дена беше срамнет со земјата. Војната го направи своето. Практично не остана ништо од Мариупол, пристанишен град до најплиткото море во светот (Азовско) и неговото старо лице.
Беше „голема престолнина на културата“, имаше театри, споменици, паркови, плажи и топло море… Беше дом на речиси половина милион Украинци, важен индустриски центар… Денес потсетува на „градот на духовите “. Тажни слики од Мариупол, некогаш и сега, објави британски Телеграф.
„Тоа беше град кој тежнееше кон нешто. Не беше секогаш вака“, вели Иван, додавајќи: „Можете само да чекате во засолништето. Некои ја чекаат пролетта, некои – да дојде утрото, некои – крајот на војната. А некои чекаат да дојде бомбата и да не убие сите“.
„Целиот град, целата негова инфраструктура, систем за снабдување, логистика, снабдување со енергија беа уништени за неколку дена“, рече Володимир, 52-годишен болничар од Мариупол.
Една жителка на Мариупол, која побегна од својот дом во април со мала надеж дека ќе се врати, рече: „Многу е тешко да се види дека вашиот град, кој е изграден пред ваши очи и реновиран, станува поубав, ненадејно умира“.
Слично видео беше објавено и од „The New Voice of Ukraine“.
Mariupol before and after the “liberation” of Russia.
Video: SunVideo pic.twitter.com/9W3IWGOlym
— The New Voice of Ukraine (@NewVoiceUkraine) March 26, 2022
Уништениот крајбрежен град Мариупол сега е неповратно врежан во украинската историја, без оглед на исходот од војната. „83 дена од одбраната на Мариупол ќе останат во историјата како Термопили на 21 век. Бранителите на Азовстал ги спречија непријателските планови за окупација на источна Украина, повлекоа огромен број непријателски сили и го променија текот на војната“, изјави Михаил Подољак, советник на украинскиот претседател.
Руското Министерство за одбрана соопшти дека повеќе од 1.700 украински борци се предале од ќелијата Азовстал, вклучително и десетици ранети војници кои се лекуваат во болниците во украинската област Доњецк контролирана од руските и сепаратистичките сили.
извор: Mondo.rs
фото: youtube screenshot