Претседателот на Белорусија Александар Лукашенко ги одобри измените на Кривичниот законик со кои се предвидува смртна казна за обид за тероризам . Соодветниот закон е веќе објавен на националниот правен интернет портал.
Документот дозволува смртна казна како исклучителна мерка при обид за тероризам. Станува збор за акти на меѓународен тероризам, особено тероризам против претставник на странска држава или меѓународна организација; терористички акти извршени од организирана група или со употреба на нуклеарни постројки, радиоактивни супстанции, силни, токсични хемиски или биолошки супстанции или кои вклучуваат убиства; убиства на државни или јавни личности извршени во врска со државни или јавни активности.
Претходно, смртната казна не можеше за дело обид и подготовка на злосторства, но сега овие членови се додадени на листата на исклучоци.
Измените на Кривичниот законик ќе стапат во сила десет дена по нивното официјално објавување.