Пејачката Бритни Спирс објави дека го загубила бебето.
Таа ја сподели веста со своите обожаватели на социјалната мрежа Инстаграм. Четириесетгодишната музичка ѕвезда минатиот месец обелодени дека со нејзиниот свршеник Сем Ашгари очекуваат дете.
„Ова е ужасно време за секој родител. Можеби требаше да почекаме да објавиме, но како и да е, бевме многу возбудени да ги споделиме нашите добри вести“, се вели во изјавата.
View this post on Instagram
Таа наведе дека со нејзиниот свршеник ќе продолжат да се обидуваат да ја прошират нивната убава фамилија, но замоли за приватност додека тагуваат за загубата.
Спирс има два сина тинејџери, Шон и Џејден, со поранешниот сопруг Кевин Федерлајн.
Турбуленции пред венчавката: Бритни Спирс сака да си го заштити богатството со предбрачен договор