Веќе подолго време се зборува за можни европски суперлиги, за промени во Лигата на шампионите, а сега навистина би можело да има револуционерни промени во најелитното фудбалско натпреварување.
„Тајмс“ објави дека е постигнат договор меѓу УЕФА и Асоцијацијата на европски клубови (ЕЦА) и дека во низа состаноци и договори Александар Чеферин и претседателот на ЕЦА и ПСЖ Насер Ал Келаифи се договориле за целосно нов формат на натпреварување.
За две години во сезоната 2024/25, наместо 32 клуба, ќе има 36 екипи, а групното натпреварување ќе се укине и ќе се игра лигашкиот систем! Секој тим ќе одигра 10 натпревари со 10 различни противници, пет на гости и дома.
На крајот во осминафиналето ќе одат осумте најдобри, а плеј-офот за влез во осминафиналето ќе играат екипите од 9 до 24. Последните 12 екипи ќе отпаднат од натпреварувањето.
Во план е и промена на финалето на Лигата на шампионите, по примерот на фајналфорот на Евролигата и Суперболот. Тој фајналфор би се играл во еден град, а во полуфиналето и финалето би се играло еден натпревар.
Ова се разгледуваше откако корона вирусот ја принуди УЕФА да го организира Фајнл 8 во сезоната 2019/20, а тоа донесе исклучително позитивни впечатоци кај навивачите и љубителите на фудбалот.
извор: Mondo.rs
фото: