На четири локации во Штип, претпладнето во периодот од 08.30 до 12.00 часот по претходно добиени сознанија од страна на полициски службеници од СВР Штип и Одделот за криминалистичка полиција – Сектор за општ и насилен криминал, извршени се претреси.
Полицијата влезе во една фирма и домовите на тројца штипјани заедно со претставници од Државен инспекторат за животна средина и Државен пазарен инспекторат, согласно издадените судски Наредби за претрес на нелегални откупни пунктови за секундарни суровини. Претресите се извршени со цел пронаоѓање на предмети кои потекнуваат од кривични дела „тешки кражби“, „кражби“ и „загрозување на животната средина и природата со отпад“.
-При претресите во просториите кај едно правно лице и кај три физички лица Ѓ.К, А.Д. и Т.Т., сите од Штип, пронајдени се предмети за кои постојат основи на сомнение дека потекнуваат од кривично дело „загрозување на животната средина и природата со отпад“, казниво по чл.230 од Кривичниот законик и кривични дела „кражба“ и „тешка кражба“, кои со потврда привремено се одземени и ќе бидат вратени на оштетените граѓани, соопшти СВР Штип.
Од страна на инспекторите од двата државни инспекторати констатирани се неправилности во работењето кај сите откупни пунктови. Се работи на целосно документирање на случаите по што од страна на надлежните до ОЈО Штип ќе бидат поднесени соодветни пријави.