Очите на светската јавност се насочени кон Владимир Путин. Медиумите пишуваат со кого се среќава, аналитичарите предвидуваат кој е неговиот следен потег, психолозите се обидуваат да ѕирнат во неговиот мозок. Јавноста ја интересира неговата биографија, љубовниот живот, безбедноста, каде се облекува и што вози.
Ниту едно негово појавување не поминува незабележано, па забележано е дека рускиот претседател од почетокот на војната постојано се појавува со истиот часовник на раката.
„Путин има завидна колекција на часовници, но откако започна војната во Украина, тој не го симна овој нерѓосувачки челик Grande Date Aqua Lung. Станува збор за часовник Blancpain, најстариот бренд на луксузни часовници во светот, основан во 1735 година. Часовникот се здоби со огромна популарност буквално преку ноќ, а побарувачката за него се намножи“, изјави за MONDO Страхиња Ѓориќ, основач на каналот на YouTube „Сат на руки“.
„Овој спортски модел има водоотпорност од 100 метри и функција за датум на позиција шест. Неговата моментална пазарна цена е нешто повеќе од 10 илјади долари. Рускиот претседател го поседува долги години, а она што е карактеристично за него е што не е како мејнстрим брендовите“, вели Страхиња и додава дека ова е омилениот часовник на Владимир Путин.
„Иако поседува и далеку поскапи парчиња, како она од колекцијата на германскиот производител „A. Lange & Sohne“, кое чини половина милион евра, би се рекло дека овој Blancpain е сè уште неговиот омилен“, вели Страхиња.
Друга интересна работа за Путин и неговите часовници е тоа што рускиот претседател ги носи исклучиво на десната рака. Некои веруваат дека тоа е поврзано со џудото и древната кинеска медитација „фукури“, додека други веруваат дека тој сака да ја прикрие својата леворакост, а за тоа проговори и самиот Путин, наведувајќи дека причината е чисто практична:
” Носам часовник на десната рака бидејќи не го боцка тркалото на механизмот за намотување. Тоа е единствената причина“.
View this post on Instagram
извор: Mondo.rs
фото: www.rbth.com/