Ал Џануб е стадион со подвижен покрив изграден во 2019 година, со капацитет од 40.000 седишта и претставува вистинска убавина.
Се одликува со постмодерен и неофутуристички дизајн, а изгледот на покривот е инспириран од едрата на традиционалните арапски чамци што ги користат регионалните нуркачи на бисери.
Стадионот го дизајнира архитектката Заха Хадид и нејзината архитектонска фирма „Заха Хадид Архитектс“. Британската архитектка е родена во Ирак и е позната по радикалниот деконструктивистички дизајн. Во 2004 година, таа стана првата жена што ја доби Прицкеровата награда за архитектура.
Овој прекрасен стадион се наоѓа во срцето на урбаната експанзија на градот. Заоблените греди го држат покривот, налик на трупот на брод.
Системот за ладење спречува прегревање на корисниците на стадионот, поради топлата и сува клима во Катар. Може да ги олади местата на гледачите до 18 ° Ц и игралиштето до 20 ° Ц.
Спортскиот комплекс вклучува повеќенаменска просторија, со базени и бањи и трговски центар со зелени покриви.
Влезот на стадионот е на пошумен плоштад. Предвидено е да се изгради училиште, сала за венчавки, велосипедски патеки, патеки за возење и трчање, ресторани, маркети и спортски сали кои ќе го придружуваат стадионот.
Извор: informer.rs