Руската армија го „ископала отровното наследство на Чернобил“ и потенцијално го распрснала во Украина, Белорусија и Русија, тврдат украинските власти, а пренесува Sky News.
На почетокот на инвазијата во Украина, Русија го окупираше местото каде што се случи најголемата нуклеарна катастрофа во 1986 година. Медиумите јавуваат дека тие го освоиле Чернобил со 1.500 војници и оклопни возила. Иако почвата е силно загадена, руските војници наводно добиле наредба да ископаат одбранбени земјени ровови, велат Украинците кои сега повторно зазеле локација на северот на земјата по повлекувањето на Русија.
„Имаше многу ровови, но разбрав дека најопасно беше црвеното дрво кое беше најзагадено“, изјави Јавне Крамаренко за Sky News, додавајќи дека Русите ископале ровови на многу различни места.
Украинците исто така велат дека опремата за детекција на радијација која ја пронашле, а која била издадена на руски војници, датира од 1950-тите и не работела, пишува Sky News.
„Тоа е 100% глупост. Смешно е затоа што знаеме дека не беа подготвени. Да добија јасни упатства, веројатно немаше да завршат изложени на радијација“, рече Крамаренко.
Кога реакторот во Чернобил експлодирал, радиоактивниот материјал бил расфрлен во зоната на исклучување. Оттогаш, пристапот до областа е строго контролиран со децении, а возилата се проверуваат како доаѓаат и си одат.
Но, украинскиот персонал во Чернобил вели дека, наводно, изброиле 10.000 руски возила што ја напуштиле Украина преку Чернобил во последните пет дена од конфликтот. Стравуваат дека возилата би можеле да ја подигнат контаминираната земја што војниците ја ископале и да ја однесат во Белорусија.
извор: Mondo.rs