Еден од великаните на францускиот фудбал се наоѓа во многу тешка ситуација. Бордо, кој постои 140 години и шест пати беше државен шампион, е блиску до испаѓање од Лига 1, но во самиот клуб има многу поголеми проблеми. Последната што се појави е една од најбизарните што сме ги слушнале во професионалниот фудбал во последните години.
Според неколку француски медиуми, меѓу кои РМЦ беше во водство, млад фудбалер на Бордо им ги украл копачките на соиграчите за да ги продаде на Интернет и на тој начин да заработи!
Идентитетот на младиот играч се уште не е откриен, но клубот веќе спроведе истрага. Фудбалерот е казнет, но и со еден натпревар суспензија, што навивачите го сметаат за преблага казна за ваков инцидент. Секако, оваа казна не им се допадна ниту на неговите соиграчи …
Во последно време забележале дека копачките им исчезнуваат, но веројатно не би можеле да утврдат кој е виновен за такво нешто доколку младиот фудбалер кој неодамна премина во првиот тим не бил „изневерен“ од неговата поранешна девојка. Можеби како дел од одмаздата за раскинувањето, таа пријавила во соблекувалната на Бордо дека еден од нивните соиграчи ја продава нивната опрема преку Интернет.
Потсетуваме, сличен инцидент му се случи и на Каспер Долберг во Ница, кога остана без часовник вреден 70.000 евра, а самиот Бордо е познат по бизарни ситуации. Само во претходните неколку месеци играчите имаа проблем со навивачите, во клубот се случи расистички скандал, поранешниот тренер Владимир Петковиќ изгуби контрола над соблекувалната, а новиот шеф на стручниот штаб Давид Гујон не е на одлични односи со неколку првотимци.
фото: www.brila.net/