Британските медиуми не престануваат да пишуваат за Ирина Абрамович, поранешната сопруга на Роман Абрамович, на кој му роди пет деца.
Се пишува дека е во страв за своето огромно богатство кое го добила по разводот, како и дека се крие во еден од луксузните имоти на семејството во Велика Британија.
Точната големина на нејзиното богатство е непозната, но познато е дека има раскошно портфолио со недвижнини – кое вклучува куќи во Лондон, Западен Сасекс, Москва и Сент Тропе.
Ирина се разведе од Роман во 2007 година, по 16 години брак. Парот решил да се разведе во Русија, каде што спогодбите се чуваат во тајност.
Рускиот угледен деловен дневен весник „Ведомости“ подоцна објави дека добила 155 милиони фунти, вклучувајќи поранешни брачни домови, јахта и авион, како и посебни додатоци за своите деца. Некои проценки сугерираат дека нејзиното богатство се искачило на 500 милиони фунти, поради мудрите инвестиции.
Таа го запознала милијардерот кој стана татко на нејзините пет деца – сосема случајно. И тогаш таа стана втора сопруга на олигарх.
Нејзиното моминско презиме е Маландрина и пораснала во сиромаштија. Татко и мајка и се занимавале со угостителство. Голема трагедија го погодило семејството на Ирина кога имала само две години – татко и починал. Мајката потоа се борела да ги издржува.
Студирала и визуелни уметности во Москва, а потоа со помош на нејзиниот братучед се вработила како стјуардеса во компанијата Аерофлот. На еден лет за Германија и се случила кобна средба – ја забележал Роман Абромовиќ, тогаш оженет со Олга Лисова, која му била прва сопруга. На Ирина ѝ дал визит-картичка и набрзо се ожениле.
Често ја добиваше титулата „највлијателна русокоса“ во Британија, но ретко се појавуваше во јавноста. Таа наводно обожава коњи и има штала, а се шпекулира дека е добра пријателка со Елтон Џон.
Ирина е одличен познавач на уметноста и наводно има завидна колекција на скапоцени и вредни слики. Се пишуваше дека Ирина по разводот нашла утеха во православната црква, иако сепак водеше луксузен начин на живот.
Во ретко интервју за рускиот Татлер во 2018 година, таа зборуваше за својот живот далеку од Абрамович.
„Мислам дека мојот начин на живот не е премногу приватен. Да, му недостига сјај на „beau monde“ – но има доволно светлина во него. А таа светлина доаѓа од комуникацијата во моето семејство, средбите со пријателите, честите патувања низ светот, средбите со луѓе од различно културно потекло. Можеби тешко ќе ме видите на јавни настани, но често можеме да се видиме во црква, на изложба, во музеј или во театар. Мојот дом е секогаш отворен за моите пријатели. Повеќе сакам забави дома отколку ресторани. Многу поскапо ми е кога можам да ги споделам настаните од мојот живот со луѓе кои ми се духовно блиски, да бидам среќна покрај нив, да се жалам за нешто, да барам молитви од нив. Многу од нив се познати јавни личности кои многу го ценат пријателството и искрените врски. Тоа е заедничкиот именител“.
Извор и фото: stil.kurir.rs