Генералниот директор на Роскосмос, Дмитриј Рогозин одговори на обвинувањата на американскиот претседател Џо Бајден против Владимир Путин, дека е воен злосторник и го праша кои се вистинските воени злосторници.
– Можеби Бајден треба да се потсети кој е воениот злосторник? – напиша шефот на државната корпорација на својот канал „Телеграм“, приложувајќи архивска снимка на која Бајден признава дека предложил бомбардирање на Белград во 1999 година и испраќање пилоти на американското воено воздухопловство да уриваат мостови на Дунав, пренесува РИА Новости.
„На прагот од својот гроб, овој крвав старец мора да се сети на неговите злосторства, на илјадниците цивили што ги уби“, заклучи Рогозин.
#Biden 1999#US-led #NATO Bombing of #Yugoslavia pic.twitter.com/ReZ9UIMuxX
— Malinka🔸Tanya P (@Malinka1102) March 16, 2022
Бајден синоќа говорејќи за Путин рече дека „тој е воен злосторник“.
Кремљ одговори дека „таквата реторика на шефот на државата, од чии бомби загинаа стотици илјади луѓе ширум светот, се смета за неприфатлива и непростлива“.
Во 1999 година, вооружениот конфликт меѓу албанските сепаратисти од Ослободителната војска на Косово и Српската војска и полиција доведе до бомбардирање на Југославија од силите на НАТО.
Западните земји започнаа воена операција без одобрение на Советот за безбедност на ОН, тврдејќи дека југословенските власти извршиле етничко чистење во автономијата на Косово. Воздушните напади траеја од 24 март до 10 јуни 1999 година и резултираа со смрт на над 2.500 луѓе, вклучително и 87 деца, и штета од 100 милијарди долари.
Извор: kurir.rs