Бабата Иванка Кљајевиќ (93) од селото Блишково во Црна Гора е можеби највиталната баба на Балканот. Иако има повеќе од 90 години може да трча и тоа доста брзо.
Во десеттата деценија од животот преде волна и плете чорапи, пишува Вијести. Има ќерка, три сина, дванаесет внуци и три правнуци. Сепак, колку и да и помагаат, баба Иванка сака да ги зема работите во свои раце.
Најмногу се гордее со своите внуци, атлетски шампиони, чии бројни медали и пехари гордо ги чува. Ги има десетици.
View this post on Instagram
Сепак, нејзината најголема радост е кога ќе ги собере сите во лето.
– Ги образував децата, јас не сум ама паметна сум. Знам да пишувам, но не знам кирилица или латиница. Знам математика во мојата глава, но не знам со молив – вели Иванка.
Таа е толку брза што камерата едвај ја фаќа. Скока од сеното, ја прескокнува оградата… Во десеттата деценија сама сече дрва, што е доказ дека се уште може да работи и дека има уште живот пред неа.
-Имав малку трнлив живот, но фала богу, се живееше. Се сееше пченица, се чуваа овци – вели баба Иванка.
Сигурната рака и нејзината работа кажуваат колку е силна оваа жена. Сепак, вели, важно е покрај себе да го имате вистинскиот маж, кој ќе ја почитува сопругата, сопружниците да се договорат, тој да биде домаќин.
– Со мене беше така – вели Иванка.
– Понекогаш малку ми се слошува, па соседите ми доаѓаат на помош. Се борам колку што можам, вели баба Иванка.