Портпаролката на Министерството за надворешни работи на Руската Федерација, Марија Владимировна Захарова (46) е жена на која не и требаше вооружен конфликт за да го привлече вниманието кон себе со потпалувачки изјави.
Таа пред неколку дена тврдеше дека истражувањето спроведено во американските лаборатории во Украина ги потврдило сомнежите за незаконски активности на САД, а на свој начин се осврна и на душевната состојба на претседателот на Украина, Владимир Зеленски.
– Погледнете во каква специфична состојба е кога се приближува до микрофонот. Експертите веќе треба да се забавуваат со тоа што му се случува – изјави неодамна Захарова за радио Спутник.
View this post on Instagram
Поради начинот на кој се појавува во јавноста, странските медиуми ја нарекоа „челичната дама на Путин“ и „главниот и одговорен трол“, а нејзините испади често се прераскажуваат. На еден украински коментатор во телевизиско шоу пред неколку години таа рече:
„Дозволете ми да зборувам или навистина ќе слушнете како звучат руските ракети“, а на Џон Кери, генералниот секретар на Обама, кој на шега им кажа на студентите на Харвард дека мора да учат руски додека Трамп е на власт, таа рече дека тој самиот имал два мандати за да го направи тоа.
Кога се во прашање јавните настапи и презентацијата на политичката програма, Марија Захарова е гласна, остра и многу отворена. Но, тоа не е случај со нејзиниот приватен живот, кој е речиси исто толку мистериозен како и животот на Владимир Владимирович Путин.
View this post on Instagram
Познато е дека Марија е родена во семејство на дипломати – нејзиниот татко Владимир Захаров од 1981 година работи во советската амбасада во Пекинг, каде што живеел со семејството 10 години. Семејството Захарови ја напушти Кина во 1991 година, а се врати во Русија во 1993 година. Мајката на Марија, Ирина, е историчар на уметност и била вработена во музејот Пушкин.
Марија Захарова дипломирала на Факултетот за меѓународно новинарство на Московскиот државен институт за меѓународни односи во областите ориентализам и новинарство. На почетокот на 2000-тите, во два наврати две години работела во прес-службата на Министерството за надворешни работи на Русија, а меѓу овие два ангажмани, во периодот од 2005 до 2008 година, била ПР на мисија на Русија при Обединетите нации во Њујорк.
Токму во тоа време беа направени фотографии кои Марија Захарова би преферирала никој да не ги види, серија портрети создадени на нејзината свадба!
Оваа позната Русинка во 2005 година се омажи за инженер по име Андреј Макаров, за кој и денес не се знае многу.
Парот го кажа судбоносното „да“ во рускиот конзулат, а фотографиите сведочат дека одлично се забавувале во таа прилика и не се двоумеле да им се препуштат на страстите. Тие се толку неспоиви со денешниот имиџ на Марија Захарова што е потребно да се погледнат повнимателно.
Фотографот Николај Комисаров, кој ги забележал овие среќни моменти на парот, подоцна за медиумите изјавил дека прославата била интимна и скромна, а по венчавката и фотографирањето во Централ парк и Петтата авенија, љубовниците Андреј и Марија прошетале по улицата.
Sorry, that’s not Zakharova. THAT‘S Zakharova 😁 pic.twitter.com/DrteBuiC4t
— ¯\_(ツ)_/¯ 🇪🇺 🇺🇦 ⚔️ (@Neiswestnij) December 28, 2017
– На почетокот, секако, имав поинаква идеја како да ги сликам, но Захарова интервенираше, предлагајќи агли. Веднаш ги забележав нејзиниот авторитет и смиреност – квалитетите на вистински дипломат. И немаше ни трошка возбуда, иако тоа беше таква можност – изјави Комисаров за весникот Комсомолскаја Правда.
Во 2010 година, парот ја доби ќерката Маријана.
Марија Захарова од август 2015 година е портпарол на Министерството за надворешни работи, а таа е првата жена на оваа функција во Русија.
Извор: stil.kurir.rs
Фото: Инстаграм