Лидерот на Алијансата за иднината на Косово, Рамуш Харадинај рече дека „знае дека Американците не дозволуваат ниту еден српски војник да влезе на територијата на Косово“, и дека Белград ќе биде бомбардиран како во 1999 година, ако нешто слично се случи, информира Репортери.
– Српското раководство многу добро го знае тоа. Ако некој српски офицер помине на територијата на Косово, ќе биде бомбардиран Белград, а не некоја друга територија – изјави Харадинај на РТВ Дукаѓини.
„Доколку тоа се случеше, тогаш целиот свет ќе знаеше дека Вучиќ тоа го прави во служба на Русија. Ако тие немаат можност да најдат решение за Русија, Западот е прилично добар во изнаоѓање решение за Србија, како што тоа го направи уште еднаш во 1999 година“, рече тој.
Тој додаде дека Србија знае дека Косово е подрачје на одговорност на Америка, Велика Британија и други, додека за Русија рече дека има влијание во некои делови на Балканот, но дека на Косово воопшто нема.
–Вучиќ и Србија во овој момент нема храброст да интервенираат на север поради меѓународната гаранција – рече Харадинај.