Полициски службеници на СВР Тетово вчера (4 март) од 8 до 20 часот спровеле засилени контролни активности за брзина со која се движат возилата во и надвор од населените места, во кои вкупно биле откриени и санкционирани 186 прекршоци (ТЕ-137 и ГВ-49).Притоа, 103 возачи (ТЕ-79 и ГВ-21) ја пречекориле максимално дозволената брзина во населено место, додека 83 возачи ја пречекориле брзината надвор од населено место (ТЕ-58 и ГВ-25).Од нив, 4 возачи се движеле за повеќе од 70 километри на час над дозволената брзина(ТЕ-3 и ГВ1), а 19 возачи (ТЕ-8 и ГВ-11) пречекориле за 50 до 70 километри на час. На сите прекршители изготвени им се законски предвидените поднесоци и тие ќе се соочат со парични глоби од 45 до 400 евра во денарска противвредност, зависно од тоа- за колку километри на час пречекориле и ќе им бидат одземени и возачките дозволи од три месеци до една година. Во овие активности, исто така, биле санкционирани и 43 други видови сообраќајни прекршоци (ТЕ-21 и ГВ-22).
Во исто време на територијата на СВР Штип спроведена e акциска контрола за санкционирање на возачи кои управуваат возило со брзина поголема од пропишаната, при што санкционирани се 114 возачи. Од нив 12 возачи ја пречекориле брзината во населено место, а 102 надвор од населено место. При тоа 58 во Штип, 18 во Свети Николе, 10 во Кочани… На сите прекршители изготвени им се соодветни поднесоци.