Во видео објавено на Инстаграм, првата дама на Укрина, Олена Зеленска објави видео со слики од разурнатите делови на земјата по делувањето на руската војска.
„Вака изгледа Украина денес. Ова видео е за да види светот – во војна сме. Поради нападот на Путин, Украинците секоја вечер мораат да ги носат своите деца во подруми и да се борат со непријателот под ѕидовите на нивните домови. Украина е мирна земја. Ние сме против војната и не нападнавме први. Но, ние нема да се откажеме. Свету гледај: ние се бориме за мир и во вашите земји!“, напиша Зеленска
Олена Зеленска е активна на социјалните мрежи, со цел, како што вели, да го запознае светот со страдањето на Украинците, но и да ги охрабри своите сограѓани во оваа најтешка борба. Во една од последните објави таа им порача на своите луѓе: „И денес нема да паничам и да плачам. Ќе бидам мирна и самоуверена. Моите деца ме гледаат. Ќе бидам покрај нив. И покрај мојот сопруг. И со тебе. Те сакам! Ја сакам Украина!“, им порача Зеленска на Украинците.