ТТК Банка утрово објави дека синоќа бил спречен хакерски напад на кој била изложена интернет страницата на ТТК Банка.
„Имено, на 22 февруари, во вечерните часови беше направен обид за хакерски упад на интернет страницата на ТТК Банка. Благодарение на ефикасната заштита на системот и брзата реакција, интернет страницата по краток прекин, брзо беше вратена во функција и беше повторно достапна. Нема последици од нападот. Случајот е пријавен во МВР.
ТТК Банка останува во постојана и тесна соработка со стручни лица за спроведување на законите со цел за спречување на вакви настани во иднина, се додава во објавата.
Хакерите од групата која себеси се нарекува „Моќна грчка армија“ вечерва на Твитер се пофалија дека извршиле напади врз повеќе македонски банки.
