Се уште се зборува за Полико Авдиу, шивач во компанијата „Текстил Солушн“, кој по посетата на премиерот Димитар Ковачевски, кажа дека минималната плата од 18.000 денари, можеби е мала, но доволна за скромен живот, а среќата му донела исти работни услови како во Германија од која се вратил после 18 години.
Ова предизвика лавина коментари на Социјалните мрежи, а шегата на ова тема уште трае.
Исто прашање од новинарите доби и денес премиерот при посета на производствениот погон на компанијата „Текспорт“ во Илинден, заедно со министерката за труд и социјална политика, Јованка Тренчевска.
„Дали во оваа фирма има некој од Германија или Швајцарија што се вратил за 18.000 плата“, го прашаа премиерот, на што тој смирено одговори:
-Да бидам искрен не знам, разговарав со директорката и дел од вработените во некои од погоните, но не разговаравме за тоа кој од каде потекнува и кој каде бил во својата професионална кариера пред да биде вработен во оваа компанија, рече смирено Ковачевски.
ММС
Фото: Принтскрин