Државната комисија за спречување на корупција бара да се покрене иницијатива за поведување постапка за кривично гонење против тројца градоначалници на Општина Демир Хисар. Сопругот на раководителката на Одделението за урбанизам Соња Наумовска, закупил простор во сопственост на Општината, а не плаќал закупнина со години, а тоа било толерирано од страна на тројцата поранешни градоначалници Тони Ангеловски, Љупчо Блаженовски и Марјанче Стојановски.
По информациите до кои дошла ДКСК, се констатира дека Соња Наумовска и нејзиниот сопруг Раде Наумовски се стекнале со бесправна корист на средства од над милион и 500 илјади (1.502.498) денари по однос на неплатени закупнини, а поранешните градоначалници на општината не презеле должни мерки за наплата на закупот.
Во пријавата, како што беше посочено на седницата на ДКСК, е наведео и дека геодетските елаборати за утврдување на правен статус на бесправно изградени објекти во Демир Хисар ги изработиле фирми чии сопственици биле во блиски деловни односи со поранешниот градоначалник Тони Ангелески, а постоел и договор меѓу раководителката Наумовска и поранешниот градоначалник Марјанче Стојановски дека таа на негови роднини ќе им помагне при легализација на објектите, а за возврат градоначалникот да не постапува за присилна наплата за закупот.