Македонскиот фудбалски репрезентативец Енис Барди доби четири месеци затворска казна од судот во Валенсија затоа што возел со лажна возачка дозвола.
Од судот во Валенсија е осуден на четири месеци затворска казна затоа што возел без возачка, односно возел со возачка дозвола која ја добил во Македонија, за која се утврдило дека е лажна.
Барди ја прифатил казната, откако на судењето признал дека документот што и го покажал на локалната полиција на Валенсија е лажен.
Судијата ја суспендира активната затворската казна и ја заменил со условна казна од две години со опомена дека истата ќе се активира доколку играчот од средниот ред повторно направи кривично дело. Барди ќе плати и парична казна од 1.920 евра.
Барди во април минатата година бил запрен во рутинска контрола возејќи Порше Панамера во северниот круг на градот. Откако ја побарал документацијата за автомобилот и возачката дозвола, еден од локалните полицајци потврдил дека вториот документ не ги задоволува безбедносните стандарди.