Продолжува трката која општина колку повеќе да плати на ех- ЈУ ѕвездите на општинските манифестации.
На Пастрмалијадата во Штип, по две недели, главна ѕвезда е Северина, која веројатно ќе го заработи најскапиот хонорар последните години даден на еден пејач на Пастрмалијадата.
Северина ќе заработи над 10.000 евра повеќе од Лепа Брена лани, а близу толку колку Здравко Чолиќ пред две години.
Нема да кажеме точен износ, само ќе си поиграме со бројките. Можете и сами да пресметате. Во само една вечер, Северина ќе си замине со 27 месечни плати на Претседателот на Македонија, Ѓорѓе Иванов.
Неизвесно е дали Сверина во Штип ќе долета со приватен авион, како што замина деновиве во непознат правец, по скандалот со експлицитните фотографии.
