Денеска во 12.45 часот по добиена пријава во СВР Скопје, дека на вливот на реката Лепенец во реката Вардар има машко лице во водата, веднаш се преземени мерки и активности и лицето е извадено (спасено) од водата од страна на полициски службеници од ПСОН Карпош, соопштија од МВР.
Подоцна е утврдено дека станува збор за 64-годишен маж од Скопје, кој претходно се фрлил во реката, а инаку е пациент во болницата во Бардовци. Од страна на Итната медицинска помош тој е пренесен во ГОБ „8-ми септември“.