Јужнокорејска компанија беше првата во светот која дизајнираше маски кои го покриваат само носот. Тие се наменети, како што велат, за оние кои се чувствуваат поудобно додека јадат во затворени делови од ресторанот.
По лансирањето на маските за „носот“ не требало многу време објавата да стане вирална. Корисниците на социјалните мрежи масовно го споделуваат овој чуден изум, а многумина со право се прашуваат зошто?
Компанијата одговори – овие специјални маски создадени само за носот всушност може да се одвиткаат и да станат обична маска која ја покрива целата област од брадата преку устата до носот. Бидејќи се наменети и за јадење и пиење надвор, тие се уредно „преклопени“ така што го покриваат само носот додека човекот јаде.
Кутија од овие маски чини меѓу 8 и 10 долари. Пронајдокот е наречен „коск“, комбинација од корејскиот збор „ко“ за носот и меѓународна ознака. Критичарите на пронајдокот тврдат дека тој е целосно бескорисен – коронавирусот сè уште може да се пренесе додека лицето има покриен нос и отворена уста. Исто така, бидејќи мирисот е една од компонентите доста важни за целосно уживање во јадењето и пиењето, се поставува прашањето дали има смисла да се јаде на овој начин.
Сепак, има и корисници кои со ентузијазам ги поздравија овие маски. Еден пишува дека се чувствувал многу побезбедно во канцеларија јадејќи со покриен нос, додека имало и корисник кој тврди дека нарачал неколку кутии и ќе ги носи со задоволство кога оди во ресторани и барови.
извор-slobodnadalmacija.hr