Кафето и чајот се богати со кофеин, па затоа се одличен начин да се разбудите и да започнете нов ден. Ако некој ве убеди дека е поздраво да пиете само чај, проверете зошто го тврди тоа. Во анализата на Американското здружение на фитотерапевти се наведени придобивките од двата пијалоци, па изберете!
Кофеинот е состојка и во чајот и во кафето што дава доволно енергија за нов ден, но познато е дека повеќе го има во кафето. Една шолја кафе содржи околу 100 милиграми кофеин, додека една шолја чај обично содржи помеѓу 50 и 70 милиграми. Ако имате проблем да заспиете навечер, избегнувајте да пиете кафе и чај пет часа пред спиење.
Многу луѓе го претпочитаат вкусот на кафето од чајот. Кафето има покомплексен вкус кој целосно се заснова на видот и потеклото на зрната кафе. Чајот (црн или зелен) има многу поблаг вкус.
Чајот и кафето имаат неверојатни здравствени придобивки. Кафето е одличен извор на хранливи материи како што се калиум, манган, магнезиум и ниацин. Некои студии покажаа дека кафето го намалува ризикот од срцеви заболувања, несоница, Алцхајмерова болест, дијабетес тип 2, Паркинсонова болест и рак.
Чајот е полн со моќни антиоксиданси. Истражувањата покажуваат дека чајот го намалува холестеролот, го спречува згрутчувањето на крвта и го намалува ризикот од Алцхајмерова и Паркинсонова болест, ја подобрува чувствителноста на инсулин и се бори против воспаленија, рак и алергии. Многу видови чаеви позитивно влијаат на психата.
Енергија
Кафето и чајот имаат моќ да ни дадат енергија. Бидејќи кафето содржи повеќе кофеин од чајот, природно дава повеќе енергија. Сепак, постои разлика помеѓу овие два пијалоци: кофеинот од кафето веднаш се апсорбира во крвта, давајќи ни силен поттик на енергија, додека чајот делува бавно.
Протеини
Само мал број луѓе знаат дека кафето содржи протеини. Кафето содржи 0,3 грама протеини по шолја, додека чајот не ги содржи.
Преземено од: https://informer.rs/
Фото: https://unsplash.com/