Уште едно студено, зимско утро со температури под нулата и измерени -14 Берово, -12 Маврови Анови, -11 Крушево, 10 Крива Паланка, Битола, Прилеп, -9 Скопје-Петровец, Штип, Демир Капија, Виница, -8 Тетово, Претор, Струмица, Попова Шапка, -7 Скопје-Зајчев Рид, – 6 Охрид, -5 Куманово, -2 Дојран, Гевгелија. Во текот на ноќта беше ведро и студено, утрово е сончево со мала локална облачност и со слаб до умерен ветер од северозападен правец.
Измерена е снежна покривка од 54 сантиметри во Попова Шапка, 16 Маврови Анови, 12 Крушево, 10 Ѓуриште, 8 Пожаране, 5 Демир Капија, 2 Битола, Прилеп.
За денеска од УХМР најавуваат сончево време, во североисточните делови преку денот со мала локална облачност. Ќе дува слаб до умерен, а вдолж Повардарието повремено засилен ветер од северозападен правец. Максималната температура ќе достигне од 1 до 9 степени.
Во Скопје претежно сончево со слаб до умерен ветер од северен правец. Максималната температура ќе достигне до 6 степени.