Селекторот на македонската ракометна репрезентација, Кирил Лазаров, попладнево го објави списокот на играчи кои предмалку со чартер-лет од скопскиот аеродром тргнаа на Европското првенство во унгарски Дебрецин.
Списокот со играчи се промени откако четворица ракометари испаднаа позитивни на ковид на последните тестови вчера. Позитивни на вчерашниот тест биле Никола Митревски, Марко Кизиќ, Гоце Ојлески, Михајло Младеновиќ и кондицискиот тренер Петар Баснарков.
На списокот на Лазаров се најдоа:
голмани: Мартин Томовски, Градимир Чаневски, Благојче Трајковски
леви крила : Цветан Кузмановски, Бојан Маџовски,
леви бекови : Филип Талевски, Филип Кузмановски, Марко Мишевски
централни бекови : Филип Миркуловски, Игор Георгиев, Марко Митев, Горан Крстевски
пивоти : Стојанче Стоилов , Жарко Пешевски , Костадин Петров, Кристијан Симоновски
десни бекови : Кирил Лазаров, Мартин Велковски, Мартин Серафимов
десни крила : Никола Костевски, Гоце Георгиевски.