Документите на тенисерот Новак Ѓоковиќ, што транспарентно беа споделени по вчерашното рочиште во Федералниот суд во Мелбурн, Австралија покренаа многу прашања, што според медиумите, треба да бидат истражувани од институциите. Додека Ѓоковиќ тренира за првиот меч на Австралија опен, американскиот новинар Бен Ротенберг го доведува во прашање документот, каде тенисерот потврдил дека никаде не патувал 14 дена пред да влезе во Австралија.
Folks, it gets fishier.
Djokovic’s presented positive Covid test from December 16 (confirmation code 7371999-259039) comes with a QR code on it.
When you scan that QR code (and you can try yourself), it takes you to a website showing that test was *negative*, not positive.
— Ben Rothenberg (@BenRothenberg) January 10, 2022
Белградски „Б92“ пишува дека се шпекулира дека Новак се подготвувал во Марбела, Шпанија, пред да пристигне во Мелбурн, каде е доведен во прашање неговиот настап на Австралија опен, без разлика што Судот ја прифатил неговата жалба и што почнал да тренира.
Австралискиот новинар Лијам Тепер ја доведува во прашање изјавата за патување на тенисерот.
A critical element of the #Djokovic drama. On arrival to Australia he says he had not travelled 14 days prior – video shows he had been to Belgrade + Spain. Full details tonight @7NewsSydney @7NewsAustralia pic.twitter.com/K69aj7ByQB
— Liam Tapper (@liamtapper) January 11, 2022
Сагата со визата на Ѓоковиќ не е завршена, откако претставник на канцеларијата на министерот за имиграција Алекс Хок, рече дека прашањето се’ уште е отворено, иако денеска нема ништо да биде соопштено.
„Во согласност со соодветната процедура, министерот Хок темелно ќе го разгледа ова прашање. Бидејќи за прашањето се решава, поради правни причини несоодветно е дополнително да се коментира, изјави претставник на министерот за имиграција. пренесува „7News“.
Во меѓувреме, на социјалните мрежи се споделува ПСР тестот на Ѓоковиќ. Со скенирање на QR кодот може да се види комплетниот резултат од текстот. Но, овој тест, според овие пишувања, дава два различни резултати, односно и позитивен и негативен. Тестот изработен од Институтот за јавно здравје „Д-р Милан Јовановиќ – Батут“ и преведен на англиски беше основата за добивање на медицински исклучок за настап на Новак Ѓоковиќ на турнирот во Мелбурн. Иако, како што се тврди во дел од коментарите, не е прв пат, тестовите на ИЈЗ со скенирање на кодот да даваат различни резултати.
Bez reči. Isti QR kod u roku od 10 min. pic.twitter.com/pyl6sBmp00
— Dušan Mašić (@dusanmasic) January 10, 2022