Директорот на Центарот за управување со кризи, Стојанче Ангелов, по пријава во ЦУК од постојани жители и претседателот на месната заедница на Галичник, изврши увид на состојбата со снег на завениот пат на потегот од Маврови Анови кон Галичник.
– Регионалниот пат Маврово – Галичник кој не е прооден. Во селото има тројца жители и има угостителски објекти кои очекуваат многу гости за претстојните празници. Овој патен правец не е важен само за Галичник. Покрај овој правец поминува и стратешки далновод од 110 киловати. Дефект на овој далновод би значела дека половина Западна Македонија да биде без струја. Ако се фати редот и ако постојано се одржува патниот правец прооден и ако постојано се фрла песок нема да дојдеме во ситуација да ангажираме тешка механизација. Треба да се чисти првиот слој на снегот за да не замрзне – истакна претседателот на Месната заедница Галичники, Александар Костиќ.
Од страна на директорот Ангелов и Оперативниот центар во ЦУК, се
– По пријава на жителите дојдовме да извршиме увид на патот кој од последните врнежи на снег и до ден денес не е исчистен. Контактирани се надлежните субјекти најбрзо што можат да се ангажираат и да го расчистат патот кон Галичник од сегашните снежни навеви, во случајот Јавното претпријатие за одржување и заштита на магистралните и регионалните патишта. Денес очекуваме овој пат да биде исчистен за да можат граѓаните непречено да отидат до селото – рече директорот на ЦУК, Стојанче Ангелов.
Тој ги повикува граѓаните во села и населби, каде што во зимниот период патиштата се во поголем дел непроодни и завеани, ако имаат сериозна здравствена или животно загрозувачка ситуција да го контактираат ЦУК на 195.
О.К.
фото: ЦУК