Најпознатиот турски готвач Солт Бае е мета на критики по средбата со мајка си!
Нусрет Гокче е име кое за многумина не значи ништо, но кога ќе се каже Салт Бае, сите знаат за кого станува збор. Најпознатиот турски готвач, кој се стекна со слава со начинот на кој готви месо – така што солта паѓа преку подлактицата до храната – во меѓувреме стана милионер кој има ресторани со неговото име ширум светот.
Се проценува дека неговото богатство сега е околу 51 милион евра, има повеќе од 15 ресторани во светските градови, меѓу кои Дубаи, Мајами, Лондон и многу познати личности, меѓу кои Дејвид Бекам, Конор Мек Грегор, Леонардо ди Каприо… обожаваат да ги посетуваат овие ресторани.
Снимката која Солт Бае ја објави на Инстаграм, а на која ја покажува средбата со мајка си по две години, на сите им пречеше уште повеќе. На видеото се гледа како тој ја гушка мајка си и разговара со неа додека седи на софата, а куќата во која таа живее на многумина им изгледала прескромна.
Видеото за три дена беше прегледано речиси 7,5 милиони пати, а собра повеќе од 20.000 коментари, позитивни и негативни.
“Имаш толку пари, како мајка ти не живее во вила?”, “После две години? Зошто? А зошто не им купиш подобра куќа на твоите родители, сега си богат?”, Купи и нова куќа на мајка ти! Каков срам! Направи нешто за неа! Замисли како и е кога нејзиниот син има толку пари, а тој не ја посетува и и дозволува да живее во ваква куќа “, го критикуваа.
View this post on Instagram
Многумина му замериле на турскиот готвач што не ги симнал очилата додека разговарал со мајка си.
Но, имаше и такви кои застанаа во негова одбрана, фалејќи го фактот дека „очигледно има блиски односи со мајка му“.
„Можеби е среќна во својот дом. Не судете толку брзо“, „Убава, вистинска љубов меѓу мајката и синот“, рекоа некои.
Извор: Мондо.рс