Истражувачите заклучија дека трчањето го зголемува протокот на крв во различни делови на префронталниот кортекс, кој игра важна улога во контролирањето на расположението и извршните функции на мозокот.
Трчањето го подобрува здравјето на срцето и крвните садови, ги зајакнува мускулите и ја подобрува цврстината на коските. Покрај овие физички придобивки, трчањето е поврзано и со подобро ментално здравје.
Тим од научници од Универзитетот Цукуба во Јапонија неодамна ja завршиja студијаta која покажа дека само 10 минути трчање со умерен интензитет го подобруваат и расположението и функцијата на мозокот.
Истражувачите заклучија дека трчањето го зголемува протокот на крв во различни делови на префронталниот кортекс, кој игра важна улога во контролирањето на расположението и извршните функции. Исто така, ја зголемува циркулацијата на крвта, што исто така може да ја фаворизира активноста на мозокот.
За студијата, тие избраа волонтери кои трчаа на лента за трчање 10 минути. Тие заклучија дека трчањето резултирало со значително зголемено ниво на возбуда и уживање во споредба со контролната група во мирување.
– Според нашите сознанија, трчањето со умерен интензитет поволно влијае на позитивното расположение и подобрување на функцијата на мозокот – велат авторите.
Коавторите Чорфака Дамронгтаи и професорот Хидеаки Соја признаа дека се изненадени од резултатите.
– Резултатите не изненадија, бидејќи 10 минути умерено трчање ја подобрува не само извршната функција, туку и позитивното расположение што се совпаѓа со билатералното префронтално активирање – заклучија тие, а пишува Медикал Њуз Тудеј.
Извор: 24сата.хр