Трговијата со кучиња се зголеми за време на пандемијата, поради големата побарувачка од луѓе, кои затворени во своите домови посакаа да имаат домашни миленици. Истовремено, расте трендот на зголемување на бројот на нелегално продадени и транспортирани кучиња.
Дилерите на кученца често шверцуваат мали кучиња во автомобили и комбиња преку границите, користејќи кафези, па дури ги кријат во лажни прегради.
Организацијата Four Paws повика на законски измени кои ќе ги ограничат можностите.
Од организацијата предупредуваат дека нелегалната трговија со кучиња се должи на анонимноста на голем број диви одгледувачници. Во последниве години, порасна побарувачката за кученца во западноевропските земји, поради што многу одгледувачници во Источна Европа, како и многу препродавачи, решија да го искористат ова со транспортирање на кученца на продажба во земји како што е Холандија, Данска, Германија и Велика Британија.
Незаконската трговија се случува и при транспорт на голем број животни кога станува збор за комерцијален транспорт и при транспорт до пет домашни миленици од поединци. Понекогаш расните кучиња достигнуваат цена од 1000 – 2000 евра по животно, што значи многу голема добивка за препродавачите, дури и ако се продаваат само неколку животни. Тоа е причината што бескрупулозните продавачи се подготвени да патуваат на долги релации.
Од една страна, ова се должи на генијалноста на мрежите што нудат кучиња, а од друга страна – на недостатокот на контрола врз синџирот. Купувачите на шверцувани кученца во Германија и Швајцарија, откриваат дека најчесто се работи за лажни документи.
Има и случаи кога документите се оригинални, но неправилно издадени. Словачка, Унгарија, Полска, Романија, а сè почесто има случаи и од Бугарија, се земјите од каде нелегално се извезува.
Построги ограничувања има и во Шпанија, а Франција размислува за построг закон, кој ќе дозволи само проверени реклами за кучиња да се објавуваат на сајтовите за животни.
Во Велика Британија веќе има закон за увоз на животни (закон Луси), но во моментов се размислува за уште построги правила за увоз на кучиња под одредена возраст, вклучувајќи ги и поединци, како што е проблемот со илегалниот увоз на кученца да се стави на дневен ред.
Bgnews