Министерот за здравство Венко Филипче заедно со членовите на Националната комисија за дијабетес денеска се сретна со претставници на здруженијата на дијабетичари.
– Посветени сме на унапредување на достапноста на третманот и воведување иновативна терапија оваа година. Овие заложби беа поздравени од претставниците на здруженијата кои континуирано се залагаат за подобрување на состојбата со дијабетот, истакнал Филипче на средбата.
Од Министерството за здравство информираа дека Филипче ја поздравил годинешната соработка меѓу присутните и ја посочил како важен чекор за подобрување на здравствената состојба на дијабетичарите.