Екстремно топење на мразот на Гренланд, на светот му се закануваат големи поплави, покажа студијата на Центарот за поларно набљудување и моделирање на Универзитетот во Лидс.
Скоро 3,5 трилиони тони мраз стопен на Гренланд во изминатата деценија го подигна нивото на морето за еден сантиметар и ја зголемува заканата од поплави ширум светот.
Ледената покривка на најголемиот остров во светот содржи доволно замрзната вода за да го подигне нивото на океанот за шест метри, а фреквенцијата на екстремно топење на тоа подрачје расте во последните 40 години.
Иако Гренланд е едно од местата во светот кои климатолозите најмногу ги проучуваат, објавената студија е прва што користи сателитски податоци за откривање на истенчување на ледената покривка.
Според списанието „Nature communications“ во изминатите четири децении загубата поради топење е зголемена за 21 отсто.
Според Европската вселенска агенција, ледената покривка изгубила 3,5 трилиони тони мраз од 2011 година, со што се произведува доволно вода за да се подигне нивото на светските океани и да се одржат крајбрежните заедници во висока готовност поради опасноста од поплави.
Третина од мразот изгубен во последната деценија се случи во изминатите две топли лета – 2012 и 2019 година.
Фотографиите покажуваат значителна годишна варијација во топењето на мразот и во комбинација со температурните податоци покажаа дека топлотните шокови се зголемена главна причина за губење на мразот – повеќе од зголемувањето на глобалните температури.
„Како што видовме во другите делови на светот, Гренланд е исклучително ранлив на зголемување на екстремните временски настани“, вели Томас Слејтер, раководител на студијата во Центарот за поларна опсервација и моделирање на Универзитетот во Лидс.
Како што се зголемува затоплувањето, Слејтер вели дека треба да се очекува дека топењето на Гренланд ќе се случува почесто.
Предвидувањето колку топењето на Гренланд ќе придонесе за зголемување на нивото на морето е незгодно за научниците, кои мора да го земат предвид зголеменото топење на другите глечери.
Како што океаните се загреваат и водата се шири, така се зголемува и порастот на нивото на морето.
Авторите на студијата велат дека сателитските податоци им овозможиле брзо и прецизно да проценат колку мраз на Гренланд изгубил во таа година и да го претворат во пораст на нивото на морето.
„Проценките на моделите сугерираат дека ледената покривка на Гренланд ќе придонесе меѓу три до 23 сантиметри за зголемување на глобалното ниво на морето до 2100 година“, вели коавторот на студијата Амбер Лисон од Универзитетот во Ланкастер.
Извор: Ба.н1инфо.ком