Бендот се распадна во 1982 година, но тие истакнуваат дека никогаш не рекле дека никогаш нема повторно да се обединат. Ова се случи речиси 40 години подоцна, но само за да се претстават новите изведби на публиката и да се збогуваат со нив засекогаш.
Речиси четири децении по распадот, шведскиот бенд АББА најави сензационален музички камбек во септември. Познатата група продаде повеќе од 400 милиони албуми и влијаеше на генерации поп музичари.
Новиот албум „ABBA Voyage“ излегува на 5-ти ноември и се состои од 10 нови песни, снимени во студиото на Андерсон во Лондон.
– Ви благодариме што чекавте, патувањето ќе започне наскоро – објави на Твитер познатата четворка: Ани-Фрид Лингстад (75), Агнета Фелцког (71), Бјорн Улвеус (76) и Бени Андерсон (74).
Иако веста воодушеви милиони нивни фанови, тие потврдија дека овој пат навистина е крајот и дека никогаш повеќе нема да се соберат.
– Тоа е тоа. Тоа мора да биде така – изјави Андерсон. Тој истакна дека ова е „поинаков расцеп“ од оној што се случи во 1982 година.
– Тогаш никогаш не реков дека АББА никогаш повеќе нема да се повтори. Но, жал ми е што сега тоа ви го кажувам – објасни тој за странските медиуми.
Извор: 24сата.хр