Државната изборна комисија (ДИК) денеска информираше дека болните и немоќните лица со право на глас, во вториот изборен круг ќе можат да гласаат на ист начин и под исти услови како и во првиот. За вториот изборен круг може да се поднесуваат и нови барања од гласачи од оваа категорија граѓани, наведуваат од ДИК. Нови барања ќе треба да поднесат и лица со ковид-19 и во изолација.
Рокот за поднесување на нови барањата на болните и немоќните лица е до 23 октомври, до 24:00 часот. Гласачите кои сакаат да го остварат своето право на глас, како лица во домашен карантин поради позитивен тест на ковид-19 и лица на кои им е определена мерка самоизолација, еден ден пред денот определен за гласање се должни до Општинската изборна комисија да достават ново барање за гласање. За нив рокот за пријавување е до 25 октомври, до 24:00 часот.
(МИА)