Со победата на групата Манескин во мај во Ротердам, Италија стана следниот домаќин на престижното натпреварување за избор на најдобра песна на Евровизија, а сега е донесена и конечна одлука во кој град од оваа земја ќе се одржи натпреварот.
Евровизија 2022 ќе се одржи во Торино. Како што и официјално е објавено на Твитер, првата полуфинална вечер ќе се одржи на 10 -ти мај, а втората на 12-ти. Финалето пак, е закажано за 14-ти мај.
Ciao Torino! 🇮🇹🇮🇹🇮🇹
The secret’s out! #Eurovision 2022 will be held in Turin! 🤩
All the details right here 👉 https://t.co/HrJ1rhnKRv
🎶 #ESC2022 | 🏙 @twitorino | 📺 @EurovisionRai pic.twitter.com/k3vJk6HnGy
— Eurovision Song Contest (@Eurovision) October 8, 2021
Торино е третиот италијански град кој ќе биде домаќин на Евровизија, откако во 1965-та година оваа манифестација се одржа во Неапол, а потоа во 1991-та во Рим.
Организаторите соопштија дека Изборот за песна на Евровизија ќе се одржи на Олимпискиот стадион во Торино.