Гафот на Армин Лашет, кандидатот за канцелар на Германија од ЦДУ/ЦСУ, кој погрешно го свитка своето гласачко ливче и со тоа откри дека гласал за самиот себеси, предизвика бурни рекации на социјалните мрежи, а се полемизира и дали неговото гласачко ливче треба да биде неважечко.
Ovo se baš i ne viđa tako često — kancelarski kandidat Unije CDU|CSU @ArminLaschet pogrešno presavio birački listić tako da se moglo vidjeti koga je birao. Izborna komisija upravo razmotrila ovaj slučaj — kažu da je listić ipak važeći. #btw21 pic.twitter.com/PimRGrXuVy
— Srećko Matić (@srecko_matic) September 26, 2021
„Кандидатот за канцелар е толку глупав што не може исправно да го свитка гласачкото ливче. А тој би требало да владее и да не претставува нас во странство? Путин, Си Џипинг и Ердоган умираат од смеа“ – пишува корисник на Твитер.
Друг Твитер корисник, пак, пишува „Добро е што Германија нема атомски бомби, па луѓето како Лашет не можат случајно да внесат картичка со кодови и да ја активираат. Всушност Лашет би бил идеален канцелар за твитови во следните четири години“.
Други пак се прашуваат како можел да си дозволи да направи такво нешто „дали е малку неспособен или едноставно мора да биде канцелар“.
Изборниот закон предвидува дека изборната комисија мора да го прогласи за неважечко ливчето кое е свиткано на таков начин што гласот е препознатлив, пишува „Билд“.
Поништувањето не значи дека Лашет го губи правото на глас, туку дека гласачкото ливче му се поништува и мора повторно тајно да гласа.
Сепак според последните информации, неговиот глас е признат.
извор:нова