Канадскиот поп-пејач Џастин Бибер е прогласен за „Изведувач на годината” на вчерашното доделување на Ем-ти-ви видео-музичките награди (ВМА).
Примајќи ја наградата, Бибер истакна дека oвaа година не била лесна за никого поради пандемијата на коронавирус, а особено ѝ се заблагодари на неговата сопруга, Хејли Болдвин, со која се венчаа изминатава година. Меѓу конкурентите на Бибер за наградата беа ѕвезди како Аријана Гранде и Тејлор Свифт.
Соработката на Канаѓанецот со Гивеон и Даниел Цезар – „Peaches”, беше прогласена за најдобра музика во категоријата за „Поп-песна”.
Доделувањето на наградите на Ем-ти-ви оваа година се врати во вообичаениот формат – се одржа во живо од „Центарот Баркли” во Бруклин (Њујорк, САД) во присуство на публика. Во август, инаку, телевизијата прослави 40 години постоење. Водителка овојпат беше Доџа Кет.
Наградите за видео и музика на Ем-ти-ви се воспоставени 1984 година и постепено станаа едни од најпрестижните награди во музичката индустрија.
Оливија Родриго ја освои наградата за „Песна на годината”, а Лил Нас Екс ја доби онаа за „Видео на годината”.
МИА