Есен е доба кога сите се прибираат дома и се вртат кон кујната. За пополнување на време и изненадување на стомакот ви предлгаме рецепта со префкусни мафини.
-Потребно: 100 гр путер, 100 гр шеќер, 2 јајца, 1 ванилин шеќер, 250 гр брашно, 2 лажички прашок за пециво, 150 гр јогурт, 50 гр мелени бадеми, 2 поголеми јаболка, цимет по вкус,
Подготовка:
Калапот за мафини обложете го со хартиени корпи. Изматете ги путерот и шеќерот додека не станат кремасти, па додајте ги јајцата, едно по едно. Додадете јогурт и брашно измешани со прашок за пециво и бадеми. Мешајте додека убаво не се соедини. Додадете ги ренданите јаболка и повторно промешајте. Распределете го тестото рамномерно во калапи и печете ги мафините околу 25 минути во загреана рерна на 190 степени. Кога ќе се изладат украсете ги со сецкани бадеми, мелеи ореви или како сакате.
Фото: hr.n1info.com