Телото на жената почнува да се менува во доцните триесетти години, но кога точно жените влегуваат во менопауза?
За појаснување на условите: станува збор за менопауза кога жената немала менструален циклус во последните дванаесет месеци и се смета дека ги завршила менструалните години.
Просечната возраст, кога жената влегува во менопауза, е помеѓу педесет и педесет и една година.
Сепак, неколку години пред тоа, може да ги почувствувате симптомите кои најчесто се поврзани со менопауза – топли бранови, ноќно потење и сувост на вагината – што е фаза наречена перименопауза.
Во оваа фаза, жените се уште имаат менструален циклус, иако може да биде нередовен. Менструацијата може да биде потешка или послаба, почеста или поретка.
Перименопаузата, во просек, трае околу четири години, но може да трае само неколку месеци. По четириесет и петгодишна возраст, вообичаено е жената да има нередовна менструација, топли бранови и сувост на вагината.
Овие промени кај жените покажуваат дека менопаузата е близу
Раните знаци на менопауза вклучуваат: нередовна менструација, топли бранови, сувост на вагината, ноќно потење, проблеми со спиењето, промени во расположението, зголемување на телесната тежина, губење на тежината и истенчување на косата, сува кожа, губење на полнотата на градите.
Овие симптоми може да траат неколку години по последната менструација.
Некои од нив исчезнуваат со текот на времето, а други, како што е сувоста на вагината, имаат тенденција да се влошуваат со возраста.
Како знаете дека сте во менопауза?
Потребна е цела година без менструација, за да може да се каже дека жената е во менопауза.
Ако се случи менструацијата да отсуствува, на пример, шест месеци, а потоа да ја добиете, тоа значи дека не сте во менопауза.
„Часовникот“ се враќа на почетокот и е потребна една година без менструација за да биде во менопауза.
Менопауза без непријатност
Штом тоа се случи, повеќе не треба да се грижите за контрацептивни средства за да спречите бременост.
Сепак, немојте да мислите дека поради пократкиот временски период, што помина без менструација, не можете да останете во блажена состојба. Се уште постои можност тоа да се случи.
За време на менопаузата, како средство за спречување на бременоста, апчиња за контрацепција обично се препорачуваат од две причини: можат да ги ублажат симптомите на менопауза, а во исто време да помогнат во заштита од несакана бременост.
Кои фактори влијаат кога жената ќе влезе во менопауза?
Се чини дека генетиката игра голема улога во тоа дали менопаузата започнува порано или подоцна.
Семејната историја е многу релевантна и е навистина најдобриот показател кога жената влегува во менопауза.
Освен генетската позадина, најголемите ризици поврзани со раната менопауза се пушењето, лекувањето на ракот и хистеректомијата (отстранување на матката, што не води до отстранување на јајниците, што може да овозможи продолжување на менструацијата).
Преземено од: https://www.b92.net/