Додека се подготвувате за зимата, задолжителен чекор е стерилизација на стаклената амбалажа во која ќе го ставите вашиот ајвар, џем и други намази или кисели краставички.
Никогаш не треба да го прескокнувате овој чекор, бидејќи ако шишињата или теглите не се 100 проценти чисти, целата работа може да пропадне.
Нашите баби смислиле одличен начин за стерилизирање на амбалажата за зимницата и што е најдобро од се, не бара многу напор, време или вештини.
Првиот чекор е добро да ги измиете стаклените тегли и шишиња со детергент за миење садови што вообичаено го користите.
Кога кратко ќе се исцедат, нежно избришете ги со чиста памучна кујнска крпа која не остава влакненца.
Третиот и последен чекор е да ја загреете рерната на максимум 100 степени, наредете ги теглите во тавата така што нивното отворање е свртено надолу и ставете ги да се загреат 15-20 минути.
Внимателно извадете ги од рерната (стаклото ќе биде жешко) и започнете со полнење додека теглите се уште топли.
Некои домаќинки сакаат целосно да се осигураат, па прво ставаат тегли во врела вода за да „зовријат“ кратко време, па дури потоа ги ставаат во рерна. На овој начин можете да избегнете бришење со крпа – топлината на рерната ќе ја исуши преостанатата вода.
Совет плус: Модерните домаќинки користат машина за миење садови за стерилизација на садовите. Некои машини имаат можност за стерилизација, и доколку нема, тогаш задолжително вклучете ги теглите на програмата што мие садови на температура од 70 степени Целзиусови. По миењето на теглите во машината, можете безбедно да ја ставите зимницата во нив.
За дополнителна стерилизација, теглите наполнети со зимница може да се вратат во машината за миење садови и да се вклучат на најсилната програма, т.е. со највисока температура, но без прашок за миење садови.
Извор: Стил.курир.рс
Фото: Shutterstock