Земјите членки на Европската Унија денес и официјално ја отстранија Македонија од листата на безбедни земји, поради комплицираната ситуација со пандемијата на коронавирусот. Патниците сега ќе подлежат на построги и постриктни гранични контроли, карантин и тестови за коронавируст.
Покрај нашата држава, на „црвената листа“ на ЕУ се најдоа и Либан, Косово, Израел, Црна Гора и САД. На зелената европска листа сега се наоѓаат 17 земји, вклучувајќи ги Јапонија, Канада и Нов Зеланд.
Европската Унија сè уште им дозволува на поголем дел од вакцинираните патници да ги поминат нивните граници, иако периодично може да се воведат ПЦР тестови и карантин, во зависност од тоа во која земја-членка се патува.
Новите мерки се реакција на зголемениот број на Ковид-19 случаи во овие земји, а листата е базирана врз епидемиолошката ситуација во секоја држава.