Денес е Преображение Господово, еден од осумте големи Христови празници. Според народните преданија денес се преобразуваат и планините и водата, почнуваат, најавувајќи ја есента што доаѓа. Преображението е посветено на Христовото Преображение на планината Тавор, кога се најавени страдањата и славата на Синот Божји. Еден ден, во третата година од своето проповедање на Земјата, Исус ги одведе апостолите Петар, Јаков и Јован на планината Тавор да се молат.
Додека се молел, лицето му се сменило и сјаело како сонце, а облеката станала сјајна и бела како снег, вели Библијата. Така тој се преобразил пред нив, правејќи ја за прв пат видлива божествената природа на Исус. Иконата на Преображението го прикажува Исус на планината, опкружен со светлина, со Илија и Мојсеј, додека тројцата апостоли лежат на земја сплашени.
Преображението Господово во Православието е познато и како летно Богојавление, бидејќи тогаш небото се отвори и се слушна гласот на Отецот Бог. Се верува дека, во пресрет на празникот, „вратата Божја“ се отвора на небото, каде што самиот Господ се појавува и ги исполнува желбите.
Преображението секогаш паѓа за време на Великиот пост. Затоа празничната трпеза е секогаш посна, збогатена со риба и вино. Во црквите, на крајот на светите литургии, се осветува грозје. Бројни храмови се посветени на овој празник.
На Преображението, листот во планината и каменот во водата се трансформираат, лисјата почнуваат да пожолтуваат и паѓаат, а водата станува постудена. На Преображението и небото се преобразува трипати во глувото доба на ноќта.
Според широко распространетото верување, не треба да спиете преку ден на овој ден, бидејќи кој спие денес, ќе се преобрази и ќе биде поспан преку целата година.
Не е добро некој да плаче, ниту луѓето да го поминуваат целиот ден во кафана – за да не им прејде во навика и станат расипикуќи. Некогаш на овој ден се завршувала и сезоната на капење.
Извор: rtv.rs