(Возмемирувачко видео) Побегнаа во смрт – Смачкани луѓе висат од авионот од Кабул – ММС
ММС

Објавено на: 08/17/21 11:14 PM

(Возмемирувачко видео) Побегнаа во смрт – Смачкани луѓе висат од авионот од Кабул

Американските воздухопловни сили вечерва потврдија дека е пронајдено човечко тело при слетување на воениот транспортен авион Ц-17 со регистарски број 02-1109. Човечкото тело е пронајдено во опремата за слетување на авионот Ц-17, откако авионот што ги превезувал Авганистанците слетал во базата Ал Удеид во Катар, објави порталот Политико.
Како што беше наведено подоцна, авионот всушност слетал во Катар бидејќи телата на авганистанските бегалци виселе од лежиштата на тркалата, што укажува дека имало неколку тела на жртвите, а не само едно чија фотографија е објавена.


Авионот полета на 15 август од аеродромот во Кабул, а откриено е за време на летот следниот ден, на 16 август. Авионот беше пренасочен на принуден лет за Катар поради дефект во капакот на опремата за слетување.


На социјалните мрежи се појави видео од нозете на маж што излегуваат од апаратот за слетување. Многумина мислеа дека се работи за лажно видео, но се покажа дека не е, што беше потврдено од американската авијација.

Преку прозорецот на страничната врата на транспортниот авион Ц-17, снимено е како нозете и дел од раката излегуваат од опремата за слетување. Не е утврдено кој го направил снимањето. Станува збор за Авганистанец кој не бил на списокот за превоз, но се обидел илегално да се качи на авионот и да избега од Кабул. За жал, тој не успеа во тоа бидејќи хидрауликата со вовлекување на тркала го згмечила.

Понеделник, 16 август 2021 година, ќе биде обележан со црни букви во историјата, кога очајните Авганистанци почнаа да висат на транспортните авиони што ги превезуваа оние со дозвола за евакуација од Кабул. Трчаа по пистата и се обидоа да го фатат авионот, но сите паднаа кога полета авионот.

Извор: kurir.rs