Вицеремиерот Артан Груби на ден пред прославата на Охридскиот рамковен договор запрашан дали испратиле допис до надлежните за протоколи за утрешната прослава рече:
-Испратено е барање до Министерството за здравство и тоа пред три недели. Контактирав и со министерот за здравство за сите протоколи, а вчера контактирав и со директорот на Центарот за јавно здравство докторот, Шабан Мемети, кој што секако ќе ги донесе и сите потребни луѓе коишто ќе ги спроведат протоколите предвидени за утрешниот настан, изјави Груби.
На прашањето дали ќе се бара сертификат за вакцинација на гостите, тој рече:
„Не сум редар, прашајте по институциите. Не сум јас за тоа“.
Денес беше промовиран документарниот филм „Охрид и потоа“ во организација на Центарот за европски истражувања и анализи „Еуропроспера“ и Министерството за политички систем и односи меѓу заедниците. Документарецот е снимен во 2002 година и во него дел се сите учесници на Охридскиот рамковен договор, како Џорџ Роберсон, Хавиер Солана, Бранко Црвенковски, Али Ахмети, Љубчо Георгиевски и сите други.