Рускиот министер за одбрана, Сергеј Шојгу, истакна дека ќе помогнат во обновувањето на Вооружените сили на Ерменија, пренесува Агенција Анадолија (АА).
Шојгу во главниот град Москва се сретна со новоименуваниот министер за одбрана на Ерменија, Аршак Карапетјан.
Наведувајќи дека тие придаваат значење на интеракцијата со Ерменија и на билатерално ниво и на ниво на Организацијата на договорот за колективна безбедност (CSTO), Шојгу рече: „Подготвени сме да ја продолжиме нашата поддршка за спроведување на програмата за обновување на Вооружените сили на Ерменија.“
Истакнувајќи дека руската база се наоѓа во Ерменија, Шојгу нагласи: „Ерменија е клучен сојузник и партнер на Русија во осигурувањето безбедност во Јужен Кавказ. Ние сме крајно заинтересирани за одржување на стабилноста во овој регион.“
Ерменскиот министер за одбрана, Карапетјан, наведе дека Русија е стратешки сојузник за неговата земја, при што рече: „Подготвени сме да продолжиме со интензивна и силна соработка со Русија.“