Две лица починаа од последици на западнонилска треска во Србија. Ова се први смртни случаи годинава од оваа болест во земјата, објави денеска весникот „Телеграф“.
Жртвите се маж и жена на возраст од 63 и 50 години, кои претходно имале хронични болести. Покрај тоа, комарци кои го пренесуваат вирусот се откриени на шест места во градот Панчево, како и на две места во Белград.
Првпат болеста е регистрирана во Србија во 2012 година, оттогаш 1.032 луѓе се заразени во земјата, а 98 починале.
Болеста може да предизвика оштетување на централниот нервен систем во форма на менингитис или менингоенцефалитис, како и во форма слична на грип со главоболка, треска и болки во грлото.