Младиот фудбалер на австралискиот првак Мелбурн, Стефан Чолаковски, ја прифати поканата на Фудбалската Федерација на Македонија за настап на македонската фудбалска селекција до 21 година.
Дваесет и едногодишниот играч од навалната линија ќе му се придружи на селекторот Драган Канатларовски во септемвриските квалификации за Европско првенство.
За Чолаковски, гордост и задоволство претставува тоа што ќе игра за фудбалската репрезентација на Македонија, земјата на неговите родители.
-Гордост и задоволство претствува тоа што ќе заиграм за Македонија и тоа не се празни зборови, бидејќи навистина сум возбуден што ќе играм за земјата каде што се родени моите родители. Но исто така и за земјата што ја носам во срцето, без разлика на тоа што сум роден во Австралија, изјави Чолаковски, а пренесува „Football Macedonia“ на „Твитер“.
Чолаковски во шампионската сезона на Мелбурн Сити забележа три погодоци.
Фото:
Twitter / @MacedonianFoot_