Тетовските пожарникари со уште еден апел за набавка на нова опрема и возила особено теренски, кои се потребни за движење по тесните улици и сокаци, како и низ руралните средини.
Велат дека со постојната опрема со која располагаат e стара и повеќе од три децении, не можат навреме да интервенираат.
„Потребно е пред се теренски возила со кои може да се движиме осбено низ полските патишта долж нивите, каде сега најчесто избувнуваат пожарите“, велат од ТППЕ Тетово.
А како еден од поголемите проблеми од ТППЕ Тетово го наведуваат интервенирањето во соседните рурални општини одалечени и до 30 километри.
Досега Тетовската противпожарна единица не е снабдена со нови возила и покрај многуте апели, а и понатаму интервенираат и во најодалечените села во тетовско, оти нема кој друг, ниту една рурална општина нема формирано своја единица или противпожарно друштво.
Зоран Димовски