Денеска градоначалникот на Општина Кочани Николчо Илијев 52-годишната Лилјана од Кочани и нејзиното новороденче, кое се роди пред неколку дена во болницата „Мајка Тереза“ во Скопје.
– Ви честитам за храброста и упорноста и сакам да истакнам дека овој случај предизвикува општа радост. Затоа сакаме да испратиме силна порака дека упорноста носи успех и дека секоја жена која сака да биде мајка треба да биде упорна и резултатите ќе дојдат. Исто така ова е потврда дека медицината забрзано оди напред и со голема желба и со поддршка на нашите стручњаци, резултатите ќе дојдат – рече Николчо Илијев, градоначалник на Кочани.
Заблагодарувајќи се за вниманието и поддршката, Лилјана истакна дека таа и бебето се чувствуваат добро и повика ниедна жена во поодминати години која сака да биде мајка не треба да се откажува, туку само да има добра мисла и да не отстапува од зацртаната цел. Лилјана се заблагодари на професионалниот ангажман и пред сѐ на човечкиот приод на целиот тим од болницата „Мајка Тереза“ во Скопје.
Градоначалникот Илијев ја искористи можноста да се сретне со директорот на Специјалната болница за гинекологија и акушерство, д-р Башким Исмаили и да се заблагодари за грижата и негата кон родилката од Кочани.
![](https://scontent.fskp3-1.fna.fbcdn.net/v/t1.6435-1/p100x100/131902839_3575611645855124_2536593908938787803_n.jpg?_nc_cat=104&ccb=1-3&_nc_sid=7206a8&_nc_ohc=Wr1KJPAWuXQAX9ip5om&_nc_ad=z-m&_nc_cid=0&_nc_ht=scontent.fskp3-1.fna&oh=7439f72d92d90c419885f5a09b288264&oe=6127F778)